სამომხმარებლო შეთანხმება

წინამდებარე ვებ-გვერდისა და აპლიკაციების (შემდგომში ჯიბე) გამოყენება რეგულირდება შპს ჯიბეს (ს/კ 206335223, მისამართი: ქ. თბილისი,თორნიკე ერისთავის ჩიხი N9) მიერ დადგენილი წესებითა და პირობებით.

გთხოვთ, ყურადღებით გაეცნოთ წინამდებარე წესებსა და პირობებს, რომელიც არეგულირებს ჯიბეს გამოყენების პირობებს. ვებ-გვერდზე/აპლიკაციებზე სტუმრობით, ან მასზე გამოქვეყნებული ინფორმაციის გამოყენებით, ადასტურებთ და სრულად ეთანხმებით მითითებულ ყველა დანაწესს, რომელიც შესაძლოა ცალმხრივად შეიცვალოს შპს „ჯიბეს" მიერ გარკვეული პერიოდულობით, რაც დაფიქსირდება მოცემულ ვებ-გვერდზე. ჯიბეში არსებული ინფორმაცია არ წარმოადგენს დაპირებას მომსახურებაზე/პროდუქტზე ან რაიმე სახის სახელშეკრულებო ურთიერთობით შპს „ჯიბეს“ შებოჭვის საფუძველს. ჯიბეში გამოქვეყნებული სერვისების გამოყენებისას, თქვენ ეთანხმებით ქვემოთ მოცემულ წესებს და პირობებს, გთხოვთ, ყურადღებით გაეცნოთ.

1. ტერმინთა განმარტებანი
   1. "ჯიბე"- შპს ჯიბეს მფლობელობაში არსებული ვებ გვერდი (საიტი) (www.jibe.ge) და აპლიკაციები(ჯიბე).
   2. "მმართველი კომპანია"- ჯიბეს მმართველი კომპანია - შპს ჯიბე (ს/კ 206335223, მისამართი: ქ. თბილისი, თორნიკე ერისთავის ჩიხი N9)
   3. "მომხმარებელი"- ფიზიკური ან იურიდიული პირი, რომელიც სარგებლობს ჯიბეს მომსახურებით, ანთავსებს ან მოიძიებს სასურველ ინფორმაციას.
   4. "კურიერი" - ჯიბეს კონტრაქტორი პირი, რომელიც უშუალოდ უწევს მომხმარებელს მიწოდების სერვის.
   5. "შეკვეთა"- ჯიბეში განთავსებული ინფორმაცია მომსახურების თაობაზე.
2. შეთანხმების ძირითადი პირობები
   1. ჯიბე არის კომპანია, რომელიც მომხმარებელს სთავაზობს თავის პროდუქციას და შემდგომ აკავშირებს კურიერთან მიწოდების სერვისის მისაღებად.
   2. მმართველ კომპანიას ეკუთვნის ჯიბეში განთავსებული პროდუქცია.
   3. თქვენს მიერ მითითებული ინფორმაცია არ უნდა:
      1. იყოს მცდარი, არაზუსტი და არ უნდა შეჰყავდეს შეცდომაში მომხმარებელი.
      2. ემსახურებოდეს თაღლითობას, ტყუილს ან ნდობით ბოროტად სარგებლობას.
      3. ეხებოდეს მესამე პირის მატერიალურ და არამატერიალურ საკუთრებას, არ უნდა არღვევდეს მესამე პირის პირად უფლებებს.
      4. შეიცავდეს ინფორმაციას, რომელიც შელახავს მესამე პირის ღირსებას ან ბიზნეს რეპუტაციას.
      5. შეიცავდეს რელიგიური, ეთნიკური, თუ სხვა სახის უმცირესობათა დისკრიმინაციას.
      6. შეიცავდეს მუქარას ვინმეს მიმართ.
      7. მოუწოდებდეს კრიმანალური ქმედებისაკენ.
      8. უწევდეს მხარდაჭერას, ან პროვოცირებდეს ტერორისტულ და ექსტრემისტულ ქმედებებს.
      9. შეიცავდეს პორნოგრაფიულ შინაარსს.
      10. შეიცავდეს სარეკლამო ინფორმაციას (გარდა იმ კონკრეტული ქონების, პროდუქციისა თუ მომსახურებისა, რომელიც განთვსებულია ჯიბეში), აკრძალულია განცხადებაში სხვა ვებ-გვერდის მითითება.
      11. არღვევდეს რაიმე სხვა გზით საქართველოს მომქმედ კანონმდებლობას.
3. გადახდები
   1. მომხმარებელი მიღებული სერვისის საფასურს იხდის ბარათის გამოყენებით ან კურიერთან ნაღდი ანგარიშსწორებით. ჯიბე გადახდის სერვისის გთავაზობთ როგორც პროდუქციის მფლობელი და კურიერების კომერციული აგენტი. თქვენი ვალდებულება კურიერთან და ჯიბესთან შესრულდება მას მერე, რაც განახორციელებთ საბანკო ტრანზაქციას ჩვენს საბანკო ანგარიშზე ან კურიერი დაადასტურებს ნაღდ ანგარიშსწორებას ჯიბეს აპლიკაციაში. თქვენ, როგორც მომსახურების მიმღები, ვალდებული ხართ რომ გადაიხადოთ მიღებული მომსახურების საფასური.
   2. როდესაც თქვენ იხდით თანხას ჯიბეს აპლიკაციის მეშვეობით, ჯიბე იღებს თანხას და შემდგომ გადაგზავნის კურიერებთან. ჯიბემ შეიძლება მოითხოვოს დამატებითი ინფორმაცია თქვენი გადახდის მეთოდის დასადასტურებლად.
   3. ნაღდი ანგარიშსწორების დროს, მომხარებელმა უნდა მიუთითოს თუ რა ოდენობის თანხით მოახდენს კურიერთან ანგარიშსწორებას.
   4. ნაღდი ანგარიშსწორების დროს კურიერი ვალდებულია დაგიბრუნოთ ხურდა.
   5. გაწეული სერვისის საფასურის ზრდა კურიერს არ შეუძლია თვითნებურად მას მერე, რაც შეკვეთა დადასტურებულია.
   6. ჯიბე იღებს პასუხისმგებლობას რომ აპლიკაციის მეშვეობით გადახდა მუშაობდეს და პრობლემის წარმოქმნის შემთხვევაში იზრუნოს მის აღმოფხვრაზე.
4. შეკვეთა და შეკვეთის გაუქმება
   1. შეკვეთა ითვლება დადასტურებულად მას მერე, რაც თქვენი პროდუქცია საწყობში გამზადდება წასაღებად.
   2. შეკვეთის გაუქმება შესაძლებელია, სანამ ჯიბეს წარმომადგენელი დაადასტურებს შეკვეთას, დადასტურების შემდეგ შეკვეთის გაუქმების შემთხვევაში ვალდებული ხართ გადაიხადოთ გაუქმების საფასური.
   3. შეკვეთის დადასტურების შემდეგ, მომხარებლის მიერ ხშირად შეკვეთის გაუქმების შემთხვევაში ჯიბემ შეიძლება დროებით დაბლოკოს თქვენი ექაუნთი. მსგავსი შემთხვევის რამდენჯერმე გამეორების შემთხვევაში ჯიბე უფლებას იტოვებს დაბლოკოს თქვენი ანგარიში გრძელვადიანი პერიოდით (მაგ: 6 თვით) ან გაურკვეველი დროით.
   4. კურიერი მიღებული შეკვეთის ადგილზე მიტანისას დაუკავშირდება მომხმარებელს მის მიერ რეგისტრაციისას მითითებულ ტელეფონის ნომერზე, დაელოდება მომხმარებელს გარკვეული პერიოდით, მომხმარებელი თუ არ გამოჩნდება შეკვეთა ავტომატურად გაუქმდება. ჯიბემ შეიძლება შეკვეთა თვითნებურად გააუქმოს, ამ შემთხვევაში მომხმარებელი არ არის ვალდებული გადაიხადოს გაუქმების საფასური. მომხმარებელი ვალდებული იქნება გადაიხადოს საფასური, თუ კურიერის მისვლის შემდეგ აღმოჩნდება ისეთი წინაპირობა, რომელიც ხელს შეუშლის კურიერს პროდუქტის მიწოდებაში(მაგ: არ დახვდა არავინ მითითებულ მისამართზე, ვერ ხერხდება მომხმარებელთან კომუნიკაცია ვერანაირი მითითებული ხერხით: იმეილი, ტელეფონი, აპლიკაცია).
   5. პროდუქციის ჩალაგების და ჩეკის დაბეჭდვის შემდეგ შეკვეთის გაუქმების შემთხვევაში მომხმარებელი ვალდებულია გადაიხადოს პროდუქციის და მიტანის საფასური სრულად.
   6. შეკვეთის ჩაბარებისას თუ პროდუქცია არის დაზიანებული, ვადაგასული, ან წინასწარ განსაძვრულ ხარისხზე დაბალი, ჯიბე იღებს პასუხისმგებლობას დაიბრუნოს პროდუქცია უკან, ამისათვის მომხმარებელს აქვს პროდუქციის ჩაბარებიდან რამდენიმე წუთი. კურიერი ვალდებულია პროდუქციის ჩაბარებისას მომხმარებელს დაელოდოს 3-5 წუთი, რათა მომხმარებელმა შეამოწმოს პროდუქცია.
   7. მომხმარებელი ვალდებულია მიუთითოს პროდუქციის მიტანისთვის სწორი მისამართი.
   8. მომხმარებელი ვალდებულია დროულად შეამოწმოს მოთხოვნილი პროდუქცია კურიერის მისვლის შემდეგ.
5. მომხმარებელი, მისი ასაკი, განცხადებები და გარანტიები
   1. ჯიბე ვებ-გვერდით და აპლიკაციით სარგებლობისათვის, მომხმარებლის ასაკი უნდა შეადგენდეს ან აღემატებოდეს 18 წელს, წინააღმდეგ შემთხვევაში საჭიროა მისი კანონიერი წარმომადგენლის თანხმობა. წინამდებარე წესებსა და პირობებზე დათანხმებით, ჯიბე ვებ-გვერდით და აპლიკაციით სარგებლობით და მომსახურების მიღებისას, მომხმარებელი ადასტურებს და გარანტიას იძლევა, რომ:
      1. წარმოადგენს 18 წელს მიღწეულ ქმედუნარიან ფიზიკურ პირს ან გააჩნია კანონიერი წარმომადგენლის თანხმობა;
      2. არ წარმოადგენს თაღლითობის, ძალადობის, მუქარის, ზეწოლისა და მოტყუების, შეცდომაში შეყვანისა თუ სხვა მართლსაწინააღმდეგო და აკრძალული მოქმედების ობიექტს ჯიბე ან სხვა ნებისმიერი მესამე პირის მხრიდან.
      3. სრულად აცნობიერებს საკუთარი ნების გამოხატვის შინაარს, ათვითცნობიერებს წინამდებარე წესებისა და პირობების არსს და მათგან გამომდინარე მათ შორის სამართლებრივ შედეგებს.
      4. მომხმარებელს გააჩნია ან მიღებული აქვს სრული უფლებამოსილება შეუზღუდავად ისარგებლოს ჯიბე ვებ-გვერდით, აპლიკაციით და მომსახურებით და შეასრულოს წინამდებარე წესებითა და პირობებით განსაზღვრული ვალდებულებები.
      5. ყურადღებით გაეცნო და მისთვის სრულად მისაღებია წინამდებარე წესები და პირობები, ისევე როგორც ჯიბე პერსონალურ მონაცემთა დაცვის პოლიტიკა;
      6. მის მიერ წარმოდგენილი ყველ მონაცემი არის ზუსტი და უტყუარი და მისი ქმედება არ არის და არ იქნება მომავალში მიმართული ჯიბე ან/და მასთან დაკავშირებული ნებისმიერი მესამე პირის მოტყუებისაკენ;
      7. მომხმარებელი აცხადებს თანხმობას, რომ ჯიბე-სთან განხორციელებული სატელოფონო კავშირის (როგორც შემავალი, ისე გამავალი ზარები) დროს მხარეთა შორის საუბარი ჩაწერილ იქნას ჯიბე-ს მიერ და გამოყენებულ იქნას როგორც მომსახურების გაუმჯობესების, ისე კანონით გათვალისწინებულ შემთხვევებში.
      8. აღნიშნული განცხადებების და გარანტიების დარღვევის შემთხვევაში, ჯიბე-ს გააჩნია ზიანის ანაზღაურების მოთხოვნის სრული უფლებამოსილება, მომხმარებელი თანახმაა ჯიბე-ს აუნაზღაუროს და დაიცვას ჯიბე ნებისმიერი ზარალისგან, საჩივრისგან, ყოველგვარი შეზღუდვის გარეშე ნებისმიერი ხარჯისგან, იურიდიული პროცესებისგან და ნებისმიერი სხვა ვალდებულებისგან, რომელიც შეიძლება წარმოიშვას ამგვარი დარღვევის შედეგად.
6. ჯიბე ვებ/გვერდზე და აპლიკაციაში რეგისტრაცია
   1. ჯიბე ვებ-გვერდზე და აპლიკაციაში რეგისტრაცია გახლავთ უფასო. ჯიბე ვებ-გვერდზე რეგისტრაციისთვის თქვენ გაქვთ ორი ალტერნატივა, მომხმარებელმა ან უნდა მიუთითოს მობილურის ნომერი, რომელზეც მიიღებს აქტივაციის კოდს და შემდგომ შეიყვანს პაროლს და სხვა პერსონალურ მონაცემებს ან განახორციელოს რეგისტრაცია Facebook-ის პროფილით.
   2. გთხოვთ გაუფრთხილდეთ და არ გადასცეთ მესამე პირებს თქვენი პაროლი.
   3. თქვენ პასუხისმგებელნი ხართ Jibe ვებ-გვერდზე და აპლიკაციაში განხორციელებულ ანგარიშსწორებასა და ნებისმიერი ინფორმაციის განთავსებაზე თქვენი პროფილის სხვა პირების მიერ გამოყენების შემთხვევაშიც კი. თქვენ, როგორც მომხმარებელი, კისრულობთ ვალდებულებას დაუყოვნებლივ დაგვიკავშირდეთ უსაფრთხოების ნორმების დარღვევის შემთხვევაში.
   4. იმ შემთხვევაში თუკი თქვენს მიერ არასწორი ინფორმაცია იქნა მითითებული, რეგისტრაციის შემდგომ ნებისმიერ დროს, ავტორიზაციის შემდეგ, შეგიძლიათ დააკორექტიროთ ნებისმიერი ინფორმაცია თქვენს პროფილში.
   5. ჯიბე არ ფლობს ინფორმაციას და არ მიუწვდება ხელი მომხმარებლის მიერ ვეგ-გვერდზე და აპლიკაციაში პროდუქციის შეძენისას გამოყენებული საბანკო ბარათების ისეთი მონაცემების შესახებ, როგორიცაა ბარათის ნომერი, ბარათის მოქმედების ვადა, ბარათის უსაფრთხოების კოდი და სხვა.
   6. მომხარებლის მიერ აპლიკაციაში შემდგომი გადახდებისთვის დამახსოვრებული ბარათი ინახება ბანკის დაცულ სერვერზე.
7. ავტორიზაცია:
   1. ანგარიშის რეგისტრაციისა და ვერიფიკაციის შემდეგ, ვებ-გვერდის და აპლიკაციის გამოყენების მიზნით მომხმარებელი გადის ავტორიზაციას.
   2. ავტორიზაცია ხორციელდება მომხმარებლის უნივერსალური იდენტიფიკატორების საშუალებით.
8. ინტელექტუალური საკუთრება
   1. ჯიბეზე, მის შინაარსზე, სტრუქტურასა და დიზაინზე სრულად ვრცელდება შპს „ჯიბე" საავტორო უფლება. ექსკლუზიური უფლებები ვრცელდება „ჯიბეს“ მიერ შექმნილ და რეგისტრირებულ ინტელექტუალური საკუთრების ნებისმიერ ობიექტზე, მათ შორის მის კუთვნილ სასაქონლო ნიშნებზე. საავტორო (©) და სხვა ინტელექტუალური საკუთრების უფლებები ვრცელდება ჯიბეზე და მასზე არსებულ მთელ შინაარსზე (პროდუქტებისა და მომსახურების ჩათვლით). აკრძალულია ჯიბეში მითითებული ნებისმიერი ინფორმაციის/შინაარსის, მათ შორის ლოგო, პიქტოგრამა, გრაფიკა, სურათი, გამოსახულება, პატენტი, მომსახურების/სასაქონლო ნიშნები, დიზაინი, შექმნილი ვიზუალური მედია და სხვა ინტელექტუალური საკუთრების (რეგისტრირებული, ან არარეგისტრირებული) უნებართვო გამოყენება, დამუშავება და გამოქვეყნება (მათ შორის სოციალურ მედიაში) „ჯიბეს“ წინასწარი წერილობითი თანხმობის გარეშე.
9. ლიცენზია
   1. თუ თქვენ ეთანხმებით ზოგად წესებსა და პირობებს, ჩვენ გაძლევთ უფლებას გამოიყენოთ უფასო, არა ექსკლუზიური წვდომა ჯიბეს აპლიკაციაზე. თქვენ ამ ლიცენზიის სხვისთვის გადაცემის უფლება არ გაქვთ. თქვენი ექაუნთის გაუქმების შემთხვევაში, თქვენი არა ექსკლუზიური ლიცენზიაც უქმდება.
   2. აპლიკაციის ლიცენზიის ქონის დროს არ გაქვთ უფლება აპლიკაციის დეკომპილაციის, დაშლის (reverse engineering) ან რაიმე სხვა გზით აპლიკაციის კოდზე წვდომის მოპოვებისა. არ გაქვთ უფლება რაიმე გზით დააზიანოთ ჯიბეს აპლიკაციის მუშაობის სქემა ან სცადოთ არაავტორიზებულ მონაცემებზე წვდომა.
   3. ლიცენზიის გაწყვეტის მომენტში ვალდებული ხართ შეწყვიტოთ ჯიბეს აპლიკაციის გამოყენება.
10. პასუხისმგებლობა
    1. რადგან ჯიბე არის ინფორმაციის გაცვლის სერვისი კურიერსა და მომხმარებელს შორის, ჩვენ ვერ ვიძლევით მიწოდების სერვისის ხარისხის გარანტიას. მიწოდების სერვისი დამოკიდებულია კურიერებზე, ჯიბე ვერ გაძლევთ გარანტიას რომ ყოველთვის მიიღებთ სერვიის სურჯიბეს შემთხვევაში.
    2. მომხარებლის მოთხოვნა თანხის დაბრუნების შესახებ განხილული იქნება ჯიბეს გუნდის მიერ.
    3. ჯიბე არ იძლევა გარანტიას რომ სერვისს გაუწევს მომხმარებელს უწყვეტად ან შეცდომის გარეშე. ნებისმიერი შეცდომის აღმოჩენის შემთხვევაში ჯიბეს გუნდი იზრუნებს მის გამოსწორებაზე შეძლებისდგავარად სწრაფად. გთხოვთ გაითვალისწინოთ რომ სერვისის გაწევა შეიძლება შიგადაშიგ შეიზღუდოს ტექნიკური გაუმართაობის პრობლემების გამო.
    4. ჯიბე, მისი წარმომადგენლები, დირექტორები და თანამშრომლები არ არიან პასუხისმგებლები თქვენს წინაშე თუ თქვენ დაზარალდებით ჯიბეს სერვისის უწყვეტობაზე დაყრდნობით.
    5. ფინანსური პასუხისმგებლობა ჯიბეს მხრიდან კონტრაქტის დარღვევის შემთხვევაში შეზღუდულია 1000 ლარით. მომხმარებელს უფლება ექნება ზარალის ანაზღაურების საფასური მოითხოვოს მხოლოდ იმ შემთხვევაში თუ ჯიბე დაარღვევს კონტრაქტს. ჯიბე არ არის პასუხისმგებელი კურიერის ქმედებებზე და მათგან მოყენებულ ზარალზე.
    6. ჯიბემ შეიძლება შეგიწყვიტოთ გამოყენების უფლება კონტრაქტის დარღვევის შემთხვევაში ან თუ ჩავთვლით რომ საფრთხეს წარმოადგენთ კომპანიისთვის.
11. გამოყენების პრაქტიკა
    1. რადგან ჯიბე არ არის უშუალოდ მიწოდების სერვისის გამწევი, არც საბროკერო კომპანია, ნებისმიერი დეფექტი ან პრობლემა მიწოდების სერვისის მიღების დროს განიხილება კურიერებთან მიმართებაში.
    2. ჩვენ გაძლევთ საშუალებას მოგვაწოდოთ ინფორმაცია გაწეული სერვისის და მიღებული პროდუქციის შესახებ, ამის დახმარებით ჩვენ ვინარჩუნებთ და ვაუმჯობესებთ გაწეული სერვისის და პროდუქციის ხარისხს.
    3. თქვენ ვალდებული ხართ გამოიყენოთ ჯიბეს აპლიკაცია პატიოსნად და შესაბამისად მოეპყროთ კურიერს სერვისის მიღების დროს. ჯიბე შეგიწყვეტთ გამოყენების უფლებას კურიერის უპატივცემულობის, თანხის გადაუხდელობის, თაღლითობის და სხვა ზარალის მიყენების შემთხვევებში. ასეთ შემთხვევებში წინასწარი გაფრთხილების გარეშე შეგიწყდებათ გამოყენების უფლება.
    4. ჯიბეს გუნდი მაქსიმალურად შეეცდება სერვისის გამწევი კურიერები გაწვდიდნენ საუკეთესო ხარისხს, თუმცა გარანტიას ვერ გაძლევთ რომ ყოველთვის დააკმაყოფილებს თქვენს მოთხოვნილ კრიტერიუმებს. პრობლემის შემთხვევაში გთხოვთ დაუკავშირდეთ ჩვენს გუნდს ან კურიერს.
12. შესწორებები ზოგად წესებსა და პირობებში
    1. მნიშვნელოვანი ცვლილების შეტანის დროს მომხმარებელი მიიღებს შეტყობინებას აპლიკაციაში ან იმეილზე. აპლიკაციის გამოყენების გაგრძელებისას მომხმარებელი ავტომატურად ეთანხმება ცვლილებებს.
13. კონტაქტი
    1. ნებისმიერი საეჭვო გარემოების არსებობის, ჩვენი კომპანიის სახელით თქვენი პირადი მონაცემების მოთხოვნის, ჩვენი კომპანიის ყალბი ვებ-გვერდის აღმოჩენის ან წინამდებარე წესებისა და პირობების შესახებ კითხვებისა და კომენტარების არსებობის, რეგისტრაციისას ან/და რეგისტრირებულ მონაცემებში ცვლილებების განხორციელების დროს ნებისმიერი შეფერხების შემთხვევაში, გთხოვთ დაგვიკავშირდეთ:
       online.support@jibe.ge